Дьокуускай куоракка РФ бэрэсэдьиэнин нэһилиэнньэни кытта үлэлиир пууна арылынна

Дьокуускай куорат олохтоохторо РФ бэрэсэдьиэнэ Владимир Путин нэһилиэнньэни кытта үлэлиир пуунугар кэлэн боппуруостарын быһаарсыахтарын сөп. Бу туһунан СӨ бырабыыталыстыбатын уонна баһылыгын дьаһалтата иһитиннэрэр.

«Нэһилиэнньэни кытта үлэлиир пууҥҥа РФ бэрэсэдьиэнэ Владимир Путин аатыгар этии киллэриэххэ сөп. Маны тэҥэ өрөспүүбүлүкэтээҕи толорор былаас федеральнай уорганнарын салайааччылара уонна өрөгөйүөннээҕи сүрүн федеральнай инспектор Евгений Корнеев биирдиилээн дьону кытта үлэлииллэр», — диэн иһитиннэриигэ этиллэр.

РФ бэрэсэдьиэнэ Владимир Путин аатыгар эбэтэр федеральнай уорганнар салайааччыларыгар оптуорунньуктан чэппиэргэ диэри олохтоох бириэмэнэн 09:00-тан 18:00 чааска диэри күнүс 13:00-14:00 чаас тохтобуллаах, бээтинсэҕэ уонна субуотаҕа 10:00-тан 13:00 чааска диэри Саха сирин наукаларын академиятыгар, Ленин проспегын, 33 №-дээх дьиэтигэр кэлэ сылдьыахха сөп.