Дьокуускай куорат оскуолатын икки үлэһитэ коронавирустаата

Дьокуускай куорат 1-кы №-дээх орто оскуолатын икки үлэһитэ коронавирустаабытынан сибээстээн, оскуола дистанционнай үөрэтиигэ көстө.

Бу туһунан куорат уокуругун дьаһалтатын үөрэҕириигэ управлениетын салайааччыта Алексей Семенов иһитиннэрдэ.

« Балаҕан ыйын 4 күнүгэр 1-кы №-дээх оскуола хас да үлэһитэ коронавирустаабыта бигэргэммитэ, онон оскуола толору дистанционнай үөрэтиигэ көспүтэ. Дьокуускай куорат лицейа уонна Физико-техническай лицей начальнай кылаастара суоҕунан, орто уонна үрдүкү кылаастар эрэ баалларынан сибээстээн инникиттэн дистанционно үөрэнэ олорбуттара», – диэн эттэ.

Маны тэҥэ Дьокуускай куорат лицейа уонна Физико-техническай лицей 5-с, 9,-с 10-с уонна 11-с кылаастарын үөрэнээччилэрэ балаҕын ыйын 21 күнүттэн атын оскуолалар курдук очно үөрэнэр буолалларын бэлиэтээтэ.