Дьокуускай мэрин талар быыбар саҕаланна

Дьокуускай куорат баһылыгын талар быыбар бүгүн, кулун тутар 26 күнүттэн, саҕаланна. Барыта 122 быыбардыыр учаастак баар. Учаастактар кулун тутар 28 күнүгэр диэри сарсыарда 8.00 чаастан 20.00 чааска диэри үлэлиэхтэрэ. Санитарнай нуорма тутуһуллар, учаастакка мааскалаах тиийэҕин.

Быыбарга алта хандьыдаат кыттар: Евгений Григорьев («Биир ньыгыл Россия»), Савва Михайлов (КПРФ), Виталий Обедин («Сиэрдээх Россия»), Айал Прокопьев («Родина»), Евгений Рябченко («ЛДПР»), Иван Комаров («Гражданскай платформа»).

Дьокуускайга 200 926 быыбардааччы олорор, 489 киһи кэтээн көрөр. Куоластыыр учаастаккын олорор аадырыскынан быыбардыыр хамыыһыйа сайтыттан көрүөххүн сөп. Судаарыстыбаннай өҥө сайтыттан эбэтэр 40-80-35 төлөпүөнүнэн билсэҕит.