Дьокуускай салгыныгар баар эттиктэр ирдэнэр нуорманы куоһараллар

Роспотребнадзор өрөспүүбүлүкэтээҕи салаата алтыс күнүн Дьокуускай куорат салгыныгар баар киртитэр этииктэр ирдэнэр нуорманы аһары барыыларын бэлиэтээтэ. Бу туһунан биэдэмистибэ пресс-сулууспата иһитиннэрэр.

«Балаҕан ыйын 26 күнүгэр 08.30 чааска Дьокуускай куорат салгыныгар PM2,5 фракция эттиктэрэ — 0,51 мг/м3 тэҥнэстилэр (нуорма 0,16 мг/м3), PM10 фракция эттиктэрэ – 0,6 мг/м3 тэҥнэстилэр (нуорма 0,3 мг/м3)», — диэн этиллэр.

Углерод оксидын, азот оксидын уонна азот диоксидын концентрациялара нуорманы куоһарбатылар.

Инники этиллибитинэн, Дьокуускай куораты уонна чугас сытар нэһилиэнньэлээх пууннары Уус Алдан уонна Чурапчы улуустарыгар бара турар ойуур баһаардарын буруота бүрүйдэ.