Дьокуускай суолларын оҥоруу болдьохтон хаалан иһэр

Дьокуускай куорат сорох уулуссаларын асфаллыыр үлэ былааннаммыт болдьохтон хойутаата. Бу туһунан СӨ баһылыгын уонна бырабыыталыстыбатын пресс-сулууспата иһитиннэрэр.

«Өрөспүүбүлүкэ суолларын оҥоруу үлэтэ былааннаммыт болдьоҕунан баран иһэр. Бүгүҥҥү күҥҥэ улахан болҕомто Дьокуускай куорат суолларын оҥорууга ууруллар. Хомойуох иһин, асфальт бүрүһүөнүн ууруу болдьоҕо уһаата», — диэн өрөспүүбүлүкэ бырабыыталыстыбатын бэрэссэдээтэлин солбуйааччы Алексей Колодезников эттэ.

Ларионов уулуссатыгар асфальт бүрүһүөнүн ууруу түмүк болдьоҕо алтынньы 18 күнүгэр диэри көстө. Пилотов уулуссаҕа болдьохтон хойутааһын 130 миэтэрэ уһуннаах учаастакка сир кырса дыгдайан тахсыбытыттан сылтаан олохтонно, үлэлэри алтынньы 15 күнүгэр түмүктүүргэ былаанныыллар. Иван Арбита аатынан уулуссаҕа суолу оҥоруу үлэлэрин алтынньы 13 күнүгэр түмүктүүргэ былаанныыллар.

«Былааннаммыт үлэлэр бары: асфальт бүрүөһүннээх суоллары тупсарыы, тротуардары ууруу, бордюрдары уонна уу түһэр сирин оҥоруу 2019 сылга түмүктэниэхтээхтэр», — диэтэ Алексей Колодезников.