Дьокуускай уонна Жатай сэттэ маҕаһыыныттан снюс атыытын буллулар

Дьокуускай уонна Жатай сэттэ маҕаһыыныттан эмэр уонна ыстыыр никотиннаах бородууксуйаны буллулар. Бу туһунан Роспотребнадзор салалтата иһитиннэрэр.

«Өрөспүүбүлүкэ үрдүнэн 728 эргиэн уонна уопсастыбаннай аһылык тэрилтэлэригэр бэрэбиэркэ ыытылынна. Ол курдук 135 бэрэбиэркэ, 593 мониторинговай чинчийии үлэтин түмүгүнэн Дьокуускай уонна Жатай сэттэ маҕаһыыныттан эмэр уонна ыстыыр никотиннаах бородууксуйаны харчыга эргитиитэ олохтонно», — диэн этиллибит.

114 тас дойдуттан киирбит (Швеция, Казахстан, Дания) 1810 Россияҕа оҥоһуллубут бородууксуйалар ылыллыбыттарын туһунан биэдэмэстибэ бэлиэтиир. Сокуону кэһээччилэргэ административнай миэрэ ылылынна.

Ахсынньы 23 күнүгэр Дойду премьер-миниистирэ Дмитрий Медведев никотиннаах бородууксуйа эргиирин хонтуруолун күүһүрдэр туһунан эппитэ.