Дьокуускай Жорницкай уулуссатыгар элбэх кыбартыыралаах дьиэҕэ баһаар таҕыста

Бүгүн, балаҕан ыйын 21 күнүгэр Дьокуускай куорат Жорницкай уулуссатыгар икки этээстээх элбэх кыбартыыралаах мас дьиэҕэ баһаар таҕыста. Бу туһунан ЫБММ өрөспүүбүлүкэтээҕи салаатын пресс-суулуспата иһитиннэрэр.

Баһаарга биир киһи эмсэҕэлээбитэ, атын олохтоохтор эвакуацияламмыттара этиллэр.

«Уоттан уопсайа 73 квадратнай миэтэрэ иэнинэн сэттэ кыбартыыра, 20 квадратнай миэтэрэ иэнинэн подъезд уонна 30 квадратнай миэтэрэ иэнинэн дьиэ сарайа эмсэҕэлээтэ», — диэн этиллэр.

Уоту умуруорууга Дьокуускайдааҕы баһаарынай быыһыыр сулууспа горнизонун 10 тиэхининьикэтэ үлэлээтэ.