Дьокуускайдааҕы 31 нүөмэрдээх оскуолаҕа эбии куорпус тутуллар

Россия бэрэсидьиэнэ Владимир Путин 2018 сыллаахха олохтоммут «Үөрэхтээһин» национальнай бырайыак чэрчитинэн 2020 сылга Дьокуускайдаагы 31 №-дээх оскуолаҕа эбии куорпус тутуллар.

Үс этээстээх саҥа дьиэҕэ эбии 311 үөрэнэр миэстэ тахсыаҕа. Оскуола дириэктэрэ Валентина Рыбкина саҥа корпус тутулуннаҕына үөрэнэр кылаастары бастакы сменаҕа көһөрүү табыллыан сөбүн бэлиэтээтэ.

Корпус тутуутун толору сыаната 357,5 мөлүйүөн солкуобай, 2020 сыл ахсынньы ыйыгар үлэҕэ киирэрэ былааннанар.

Быйыл өрөспүүбүлүкэҕэ тоҕус оскуола үлэҕэ киириэхтээх.

2019 сылга «Үөрэхтээһин» национальнай бырайыак чэрчитинэн Саха сиригэр икки оскуола үлэҕэ киирбитэ – Амма улууһугар Бөтүҥ сэлиэнньэтин 220 миэстэлээх оскуолата уонна Мэҥэ Хаҥалас Петровка сэлиэнньэтин 220 миэстэлээх оскуолата.