Дьокуускайдааҕы сибээс колледжыгар биэс мастарыскыай аһылынна

Бэрэсэдьиэн Владимир Путин көҕүлээбит «Үөрэхтээһин» национальнай бырайыагын чэрчитинэн, Дудкин аатынан сибээс колледжын «Информационнай-коммуникационнай технология» салаатыгар биэс аныгы мастарыскыай аһылынна.

Үбүлээһин уопсай суумата 41 мөлүйүөҥҥэ тэҥнэстэ, ол иһигэр Саха сириттэн үбүлээһин — түөрт мөлүйүөнтэн тахса.

Хас биирдии мастарыскыай World Skills Russia чемпионат компетенцияларынан наарданна: «Информационные кабельные сети», «Машинное обучение и большие данные», «Веб-дизайн и разработка», «Разработка мобильных приложений» уонна «Кибер-безопасность».

2020 сыл түмүгүнэн, Саха сирэ 24 мэдээл уонна наҕараада ылан, Россия 10 бастыҥ регионнарын ахсааныгар киирдэ уонна «Прогресс года» анал аат хаһаайынынан ааттанна. Ворлдскиллс хамсааһыҥҥа актыыбынай кыттыыларын иһин Андрей Тарасенко махтанна уонна кыайыыларынан эҕэрдэлээтэ.

«Саха сирин чиэһин ситиһиилээхтик көмүскээтигит, эһиги өрөспүүбүлүкэҕэ бэлэмнэнии таһымын көрдөрдүгүт. Маннык талааннаах эдэр исписэлиистэр көмөлөрүнэн өрөспүүбүлүкэ ханна да суох, элбэх саҥа бырайыагы олоххо киллэриэн сөп», — диэн өрөспүүбүлүкэтээҕи миниистир кэбиниэтин баһылыгын э.т. бэлиэтээтэ.