Докуускайга 2020 сылга 26 килэмиэтир кэриҥэ суолу өрөмүөннүөхтэрэ

Дьокуускайга 2020 сылга 26,97 килэмиэтир суолга хапытаалынай өрөмүөн, тутуу уонна саҥардыы үлэтэ ыытыллара былааннанар. Бу туһунан Дьокуускай дьаһалтатын пресс-сулууспата иһитиннэрэр.

«2020 сылга «Куттала суох хаачыстыбалаах айан суола» бырайыак чэрчитинэн суол-иис ситимин сайдыытыгар 1,5 миллиард солкуобай үбүлээһин көрүлүннэ. Бырайыакка Дьокуускай куорат 22 суол-иис ситимин эбийиэктэрэ киирдилэр», — диэн этиллибит.

2019 сылга Дьокуускайга «Куттала суох хаачыстыбалаах айан суола» бырайыак чэрчитинэн 25,8 килэмиэтир усталаах 19 суол эбийиэктэригэр хапытаалынай өрөмүөн, тутуу уонна саҥардыы үлэтэ ыытыллыбыта бэлиэтэнэр.

Дьокуускай 13 уулуссатыгар хапытаалынай өрөмүөн үлэтэ ыытыллыбыта, Мархинка, Шестаковка өрүстэри туоратар муоста тутуллубута бэлиэтэнэр.