Дьокуускайга 23 санитарнай ирдэбили кэһиини арыллыбыт

Өрөспүүбүлүкэ киин куоратыгар сэтинньи 30 күнүттэн ахсынньы 2 күнүгэр диэри ыытыллыбыт бэрэбиэркэ түмүгүнэн 23 санитарнай ирдэбили кэһии түбэлтэтэ арыллыбыт. Бу туһунан Дьоккускай уокуругун дьаһалтатын пресс-сулууспата иһитиннэрэр.

Дьокуускай административнай хамыыһыйата уопсайа 204 атыы-эргиэн эбийиэгин, маршрутнай автобустары уонна фитнес кииннэри бэрэбиэркэлээбит. Ону таһынан уонча профилактическай кэпсэтиилэри ыыппыт.

«Уопсастыбаннай сирдэргэ мааската суох сылдьыы булгуччу бобуллар. Ону тэҥэ, атыы-эргиэн эбийиэктэрин хаһаайыттара уонна дьаһалталара биир сиргэ элбэх дьон тоҕуоруһуутун таһаарыа суохтаахтар. Ирдэбилгэ олоҕуран, биир атыылаһааччыга түөрт квадратнай миэтэрэттэн ордуга суох иэннээх сир көрүллүөхтээх», — диэн этиллэр.

Дьокуускай олохтоохторо маҕаһыыннарга, уопсастыбаннай тырааныспарга эбэтэр атын уопсастыбаннай сирдэргэ мааскалаах сылдьыы эрэһиимин кэһии тахсыытын туһунан ыйыллыбыт нүөмэргэ эрийэн биллэриэхтэрин сөп: 31-90-90.