Дьокуускайга 5, 9, 10, 11 кылаастарга очнай көрүҥүнэн үөрэнии саҕаланна

Балаҕан ыйын 21 күнүттэн 5, 9, 10, 11 кылаас үөрэнээччилэрэ очнай үөрэниигэ көстүлэр. Бу туһунан куорат уокуругун дьаһалтатын пресс-сулууспата иһитиннэрэр.

«Сорох үөрэх тэрилтэлэригэр үөрэнээччилэргэ туспа киирэр аан тэрилиннэ. Төрөппүт оҕотун оскуолаҕа ыытыан иннинэ туругун кэтээн көрөрө, тумуу сибикитэ биллэр буоллаҕына үөрэтэ ыыппата туһааннаах», — диэтэ Үөрэх управлениетын үөрэтии хаачыстабатын уонна кэтээн көрүү салаатын салайааччыта Мирослав Афанасьев.

Кини этэринэн, санитарнай-эпидемиологическай куттала суох буолуу бары миэрэтэ тутуһуллар, оскуолаларга термометрия ыытыллар. Кыахтарынан көрөн, сорох оскуолаларга кылаастары бөлөхтөргө араараллар.

6, 7 уонна 8 кылаастар салгыы дистационнай көрүҥүнэн үөрэниэхтэрэ.