Дьокуускайга аҕыйах ахсаннаах төрүт норуоттар ырыаларын бэстибээлэ ааһар

Ахсынньы 11-12 күннэригэр хотугу аҕыйах ахсаннаах төрүт норуоттар холбоһуктара 30 сылын бэлиэтиир тэрээһинин чэрчитинэн, «Туундара ой-дуораана» диэн аһаҕас ырыа күрэҕин бэстибээлэ ыытыллар.

Тэрээһин эбээн, эбэнки, юкогир, далгаан, чукча норуотун төрүт тылын тарҕатар, үйэтитэр уонна сайыннарар сыаллаах ыытыллар.

Түмүккэ дьүүллүүр сүбэ тоҕус номинациянан кыайыылаахтары талыаҕа. Гран-при хаһаайына бүтүн Россия үрдүнэн ыытыллар «Хотугу көс сир» диэн хоту уонна уһук илин аҕыйах ахсаннаах төрүт норуотун бэстибээлигэр кытыыны ылыа.

Хотугу аҕыйах ахсаннаах төрүт норуоттар холбоһуктара 1989 сыл ахсынньы 13 күнүгэр, Дьокуускайга өрөспүүбүлүкэ хоту норуоттарын тэрийэр сүбэ мунньаҕар олохтоммута.