Дьокуускайга «Бөҕү туһунан хомуйуу 3.0» экологическай акцията ыытыллыа

«Бөҕү туһунан хомуйуу 3.0» диэн экологическай акция ахсынньы 1 күнүгэр ыытыллыа. Бу туһунан Дьокуускай куорат дьаһалтатын пресс-сулууспата иһитиннэрэр.

Акция кэмигэр сири сыыһырдыы кыһалҕаларын туһунан документальнай киинэлэри көрдөрүү, элбэхтэ кэтиллэр бахилалары, эко-суумкалары киэргэтиигэ уонна тигиигэ, туһаныллыбат маллары иккис тыынныырга  маастар-кылаастар ыытыллыахтара. Иккистээн туһаҕа тахсар кыахтаах уонна быраҕыллар маллартан илиинэн оҥоһуктар күрэхтэрэ, ону тэҥэ улахан дьоҥҥо уонна оҕолорго эко-квиз уонна квест оонньуулар ааһыахтараа.

Экологическай аахсыйа кэмигэр иккистээн туһаҕа тахсар кыахтаах малы-салы, туһаттан тахсыбыт батарейкалары, лаампалары, пластиктан оҥоһуллубут бытыылкалары тутар пуун үлэлиэҕэ.