Дьокуускайга «Б8» акселерационнай бырагыраама үһүс түһүмэҕэ ааһыаҕа

Бүгүн, бэс ыйын 18 күнүгэр олохтоох бириэмэнэн киэһэ 21:00 чаастан өрөспүүбүлүкэ стартаптарын акселерационнай бырагырааматын үһүс түһүмэҕин түмүк тэрээһиннэрэ ыытыллыахтара. Бу утуһанна СӨ инновацияҕа министиэристибэтин пресс-сулууспата иһитиннэрэр.

Акселератор үһүс түһүмэҕэ 2020 сыл кулун тутар ыйыгар саҕаламмыта, Саха сирин инновациялары сайыннарыыга пуондатын көҕүлээһининэн ыытыллар. IT, биотехнология уонна инновационнай оҥорон таһаарыы хайысхаларынан 12 хамаанда кыттыыны ылар.

Тэрийээччилэр бэлиэтииллэринэн, үһүс түһүмэххэ онлайн форматтан ураты, Массачусетскай технологическэй үнүбэрситиэт профессора Билл Олет айбыт ньыматыгар олоҕуран оҥоһуллубут эриэккэс бырагыраама туһаныллар.

Демо күҥҥэ баҕалаах дьон бары кыттыыны ылыахтарын сөп. Кыттыыны ыларга сайтка киирэн сайапка толорор ирдэнэр.