Дьокуускайга буолбут баһаарга дьахтар суорума суолланна

Дьокуускайга чааһынай дьиэҕэ буолбут баһаарга биир дьахтар өлүгүн булбуттар. Бу туһунан Ыксаллаллаах быһыыга-майгыга министиэристибэ пресс-сулууспата иһитиннэрэр.

«Ахсынньы 28 күнүгэр 00.03 чааска Лиза Чайкина уулуссатыгар чааһынай дьиэҕэ баһаар буолбутун туһунан иһитиннэрии киирбит. Баһаарынайдар биэс мүнүүтэнэн тиийбиттэр. Дьиэ 40 квадратнай миэтэрэ иэннээх, бүтүннүү умайбыт», — диэн этиллэр.

Баһаар миэстэтигэр 1955 сыллааҕы төрүөх дьахтар өлүгүн булбуттар. Баһаары умуруорууга 28 киһи, биэс тиэхиньикэ үлэлээбит.