Дьокуускайга буолбут баһаарга икки киһи суорума суолламмыт

Дьокуускайга буолбут баһаарга икки киһи өлүгэ көстүбүт. Бу туһунан ЫБММ өрөспүүбүлүкэтээҕи салаатын пресс-сулууспата иһитиннэрэр.

«Олунньу 10 күнүгэр сарсыарда 06.16 чааска Сэбисэкэй Армия 50 сыла уулуссатыгар турар икки этээстээх элбэх кыбартыыралаах мас дьиэҕэ бааһаар тахсыбытын туһунан иһитиннэрии киирбит. Быһылаан оннугар икки киһи өлүгэ көстүбүт», — диэн этиллэр.

Баһаарынайдар тиийиилэригэр иккис этээскэ биир кыбартыыра уотунан хабыллыбыт. Дьиэттэн 30 киһи, ол иһигэр биэс оҕо эвакуацияламмыт.

Быһылаан түмүгэр уопсайа 39 кв. миэтэрэ иэннээх сиринэн икки кыбартыыра уонна иккис этээс коридора эмсэҕэлээбит. Баһаар төрүөтэ уонна хоромньу кээмэйэ быһаарыллар.