Дьокуускайга чааһынай дьиэ уонна гараж уокка былдьанна

Дьокуускайга тохсунньу 21 күнүгэр олохтоох бириэмэ 16.46 чааһыгар Крафт уулуссатынан чааһынай дьиэҕэ уонна гаражка баһаар тахсыбытын туһунан баһаарынай чааска биллэрбиттэрэ. Бу туһунан Россия ыксаллаах быһыыга-майгыга министиэристибэтин Саха сиринээҕи салаатын пресс-сулууспата иһитиннэрэр.

«Баһаарынайдар саахал тахсыбыт сиригэр тиийиилэригэр гараж толору уотунан хабыллыбыт. Баһаар түмүгэр 60 кв. миэтэрэ иэннээх гараж уонна 64 иэннээх чааһынай дьиэ барыта умайда», — диэн иһитиннэриигэ этиллибит.

Баһаар тахсыбыт биричиинэтинэн уот ситимигэр дэҥ холбоһуута буолара сабаҕаланар.