Дьокуускайга дьиэлэри дезинфекциялааһын түмүктүүр түһүмэҕэ салҕанар

Дьокуускай куоракка коронавируһунан ыалдьыбыт дьон олорор дьиэлэрин подъеһын дезинфекциялааһын үлэтэ түмүктэнэн эрэр. Бу туһунан куорат уокуругун дьаһалтатын пресс-сулууспата иһитиннэрэр.

Бэс ыйын 29 күнүгэр исписэлиистэр уопсайа 49 олорор дьиэ подъеһын дезинфекциялаабыттара бэлиэтэнэр.

«Олохтоохтор болҕомтолоругар, коронавируһунан ыалдьыбыт дьон олорор дьиэлэрин подъеһын тиһэх ыраастааһынын ыытарга анал сайаапка биэрии ирдэммэт», — диэн дьаһалта тоһоҕолуур.

Бэс ыйын 12 күнүттэн 29 күнүгэр диэри Дьокуускайга Сovid-19 диагностаах дьон олорор 607 аадырыһыгар дезинфекция түмүктүүр түһүмэҕэ ыытылынна.