Дьокуускайга Григорий Поповы кытта көрсүһүү буолуоҕа

Тохсунньу 26 күнүгэр олохтоох бириэмэ 18.00 чааһыгар Алексей Кулаковскай аатынан Доҕордоһуу дьиэтигэр UFC охсуһааччыта Григорий Попов смешаннай единоборства сүгүрүйээччилэрин кытта көрсүһүөҕэ.

«Көрсүһүү «боппуруос-эппиэт» форматынан ааһыаҕа. Ону таһынан саха эстрадатын сулустара Геннадий Семенов — Урааҥхай, Kit Jah, «Өрөгөй» этнофольклор үҥкүү ансаамбыла уонна Zavod үҥкүү коллектива кыттыыны ылыахтара», -диэн көрсүһүү тэрийээччилэрэ кэпсээтилэр.

Билиэт атыытыттан киирбит үп-харчы үтүөнү оҥоруу аахсыйатыгар барыаҕа.