Дьокуускайга хааччахтааһын режимэ күүһүрүөҕэ

Дьокуускайга хааччахтааһын режимэ күүһүрүөҕэ. Бу туһунан Ил Дархан брифинигэр иһитиннэрдэ. «Саха сиригэр, чуолаан Дьокуускайга, эпидемиологическай балаһыанньа бүтэһик икки күҥҥэ мөлтөөтө. Онон куорат баһылыгын кытта хааччахтыыр миэрэни күүһүрдэргэ быһаардыбыт», — диэтэ Айсен Николаев. Атыы-эргиэн кииннэрэ мааската суох атыылаһааччылары киллэриэ суохтаахтар. Уопсастыбаннай сиргэ мааска кэтиллэрэ булгуччулаах. Оптуобуска мааската суох дьону таһар көҥүллэммэт. Ону кытта полиция хонтуруолу күүһүрдүө. Быраабыланы кэһэр дьону ыстарааптыахтара.