Дьокуускайга холодильниктан киһи өлүгүн булбуттар


НВК САХА — Дьокуускай куорат элбэх кыбартыыралаах дьиэлэриттэн биирдэстэригэр холодильник иһигэр эттэммит эр киһи көстүбүтүн туһунан холуобунай дьыала тэрилиннэ. Бу туһунан Россия Силиэстийэлиир кэмитиэтин Саха сиринээҕи салаатын пресс-сулууспата иһитиннэрдэ.

Силиэстийэ көрдөрөрүнэн, балаҕан ыйын 1 күнүгэр буруйданааччы этиһэн баран киһини кырбаан өлөрбут. Куотунар сыалтан, өлүгү эттээн баран холодильникка кистээбит.

«Эр киһи өлүгэ балаҕан ыйын 4 күнүгэр Дьокуускай куорат 202 микро-оройуонугар элбэх кыбартыыралаах олорор дьиэҕэ көстүбүт», — диэн иһитиннэриигэ этиллэр.

Буруйу оҥорууга 34 саастаах өлбүт киһи бииргэ арыгылаабыт билэр киһитэ уорбаланан тутулунна. «Өлөрүү» ыстатыыйанан холуобунай дьыала тэрилиннэ.