Дьокуускайга Хотугу форум үлэтин саҕалаата

НВК САХА — Балаҕан ыйын 23 күнүгэр Дьокуускайга Арктика территориятын сайдыытыгар ананар Хотугу форум үлэтин саҕалаата. Бу туһунан ХИФУ пресс-сулууспата иһитиннэрэр.

«Биһиги дойдулар икки ардыларыгар алтыһалларыгар сөптөөх усулуобуйаны тэрийэбит. Хайа баҕарар конференция сүрүн сыала — бэйэ территориятыгар өркөн өйдөөхтөрү тардыы буолар. Практикалыыр учуонайдар кэлэн бэйэлэрин ситиһиилэрин уонна интэриэһинэй бырайыактарын туһунан кэпсииллэр», – диэн ХИФУ аналитическай үлэҕэ ректоры солбуйааччы Александр Кугаевскай кэпсээтэ.

Быйылгы былаһааккалартан биирдэстэрэ бэһис Россиятааҕы «Тирэхтээх Хоту: уопсастыба, экономика, экология уонна политика» конференцияҕа ананар диэн бэлиэтэнэр.

Инники этиллибитинэн, Арктика территориятын сайдыытыгар ананар Хотугу форум мунньаҕа Дьокуускайга балаҕан ыйын 24-28 күннэригэр ыытыллыа. Манна 11 тас дойду бэрэстэбиитэллэрэ кыттыыны ылыахтара.