Дьокуускайга «Инникигэ хардыы» научнай практическэй конференция буолла

«Инникигэ хардыы» оскуола үөрэнээччилэригэр аналлаах XXIV-с научнай практическэй конференцияҕа өрөспүүбүлүкэ 34 улууһуттан 1300 эдэр чинчийээччи кыттыыны ылла.

Оҕолор бырайыактара социальнай гуманитарнай наукаттан саҕалаан геоинформатикаҕа тиийэ араас наука эйгэлэрин таарыйар. Оскуола үөрэнээччилэрэ тус бэйэлэ айан оҥорбут үлэлэрин экспертэр дьүүллэригэр көрдөрдүлэр, үгүс бырайыактар социальнай проблемалары быһаарарга туһаайыллыбыттар.

Конференцияҕа экспертар дьүүллэһиннэриттэн ураты аһаҕас куоластааһын ыытыллыаҕа. Тэрилтэлэр бэйэлэрин эйгэлэригэр чугас, сөбүлүү көрбүт бырайыактарын наҕарааданан бэлиэтиэхтэрин сөп. Конференция кыайыылахтара Россия уонна норуоттар икки ардыларынааҕы конференцияҕа кыттар туһунан мэктиэ суругун ылыахтара.

Конференция чэрчитинэн профориентационнай быыстапкалар уонна маастар-кылаастар ыытыллыахтара.