Дьокуускайга Ирбэт тоҥу үөрэтэр үнүстүүккэ саба түһүүгэ уорбаланар дьону туттулар

Алтынньы 7 күнүгэр киин куоракка Ирбэт тоҥу үөрэтэр үнүстүүккэ саба түһэн, халыы соруммут Дьокуускай икки олохтооҕун полиция үлэһиттэрэ туттулар. Бу туһунан ИДьМ пресс-сулууспата иһитиннэрдэ.

«Алтынньы 7 күнүгэр икки кимэ биллибэт дьон үнүстүүт фойетыгар турар банкоматтан харчы уора көтөн түспүттэр. Үнүстүүккэ үлэлиир икки дьахтар утары биэрэстээх гааһы туттубуттар, банкоматы арыйа сатаабыттар. Банкоматы сатаан арыйбакка, саһан хаалбыттар», — диэн биэдэмистибэ иһитиннэриитигэр этиллэр.

Бу уорбаланар икки киһи эрдэ маныаха маарынныыр буруйдары оҥорон, сууттана сылдьыбыттар. Холуобунай дьыала тэрилиннэ, иккиэннэрин быстах кэмҥэ хаайар изоляторга киллэрдилэр.