Дьокуускайга «Искусство түүнэ» ааста

Бүтүн арассыыйатааҕы «Искусство түүнэ» акция Дьокуускайга национальнай библиотекаҕа буолан ааста. Тэрээһин сүрүн тиэмэтинэн аан дойдуну кэрийии буолла.

Манна английскай тыллаах дойдулар культураларын туһунан лиэксийэлэр, илиҥҥи тыллар уруоктара, маастар-кылаастар тэрилиннилэр.

«Бастатан туран, бальнай үҥкүүгэ маастар-кылаастар, иероглифтарга, арт-терапияҕа уруоктар буоллулар. Араас сири-дойдуну кэрийбит дьон бэйэлэрин уопуттарыттан кэпсээтилэр», – диэн библиотека үлэһитэ Галина Кутугутова кэпсээтэ.