Дьокуускайга ИТ- лицейи аһыы туһунан дьүүллэстилэр

НВК САХА – Дьүүллэһиигэ инновация, цифровой уонна инфокоммуникационнай технологиялар сайдыыларын миниистирэ Анатолий Семенов, үөрэх уонна наука миниистирэ Владимир Егоров, ИТ-оскуола директора Алексей Илларионов, Үөһээ Бүлүүтээҕи өрөспүүбүлүкэтээҕи гимназия директора Нина Федотова, үрдүкү үөрэх уонна эбии үөрэхтээһин тэрилтэлэрин бэрэстэбиитэллэрэ кыттыыны ыллылар.

Оскуола ИТ-салааны кытары сыһыаннаах үрдүкү үөрэх техническэй тэрилтэлэригэр киириигэ үөрэнээччилэри бэлэмниэхтээх. Быйыл лицейи 7-8 кылаастар баазаларыгар, онтон кэлэр сылларга 5-11 кылаастарга аһар былаан баар.

“ИТ- хампаанньалар элбээн иһиилэрэ, ИТ- пааркалар аһыллыылара, ИТ-стартаптар тэриллиилэрэ ИТ- идэлээх дьоҥҥо наадыйар. Ити – бырагыраамма оҥорооччулар, дизайнердар, маркетологтар, менеджердэр эрэ буолбатах. Күн бүгүн чуолаан ИТ-исписсийэлиистэрэ тиийбэттэр”, – диир Анатолий Семенов.

Бэлиэтээн эттэххэ, ИТ-лицейи аһыы – Өрөспүүбүлүкэ баһылыга Айсен Николаев“Саха сиригэр үөрэх сайдыытын стратегическэй хайысхаларын туһунан” ыйааҕын биир сүрүн соруга буолар.