Дьокуускайга Иван Кульбертинов пааматынньыгын арыйдылар

Сэтинньи 7 күнүгэр Дьокуускайга Кыайыы пааркатыгар Аҕа дойду Улуу сэриитин кыттыылааҕа, аан дойдуга аатырбыт бэргэн ытааччы Иван Кульбертиновка анаммыт пааматынньыгы арыйдылар. Бу туһунан Ил Түмэн пресс-сулууспата иһитиннэрэр.

Пааматынньык арыллыыта билиилээх снайпер 103-с төрөөбүт күнүгэр ыытылынна. Тэрээһин кыттыылаахтара «Имты» эбэҥки норуотун уоту аһатыы сиэрин-туомун толордулар уонна сибэкки дьөрбөтүн уурдулар.

«Норуот дьоруойугар — норуот пааматынньыга» аахсыйа көмөтүнэн 1,5 мөлүйүөнтэн тахса солкуобай хомуллубута, өрөспүүбүлүкэ бүддьүөтүттэн 8,2 мөлүйүөн солкуобай пааматынньыгы туруорууга көрүллүбүтэ.

Скульптор Николай Чоччасов уонна архтитектор Марина Рожина скульптурнай композициялара 2020 сыл ыам ыйын 25 күнүгэр бастыҥ эскиис бырайыагын куонкуруһун кыайыылааҕынан талыллыбыта.