Дьокуускайга култуура бастыҥнарын бэлиэтээтилэр

Бүгүн Дьокуускайга «Грани культуры» диэн ааттаах тэрээһин үһүс төгүлүн ыытылынна. Манна сыл устата култуура уонна искусство эйгэтигэр бастыҥ үлэни көрдөрбүт, кылааттарын киллэрбит дьону чиэстээтилэр. Быйылгы сылга уопсайа 16 киһи лауреат үрдүк аатын ситистэ. Ону сэргэ, махтал суруктар туттарыллыннылар. Биһиги хампаанньабыт үлэһиттэрэ эмиэ бэлиэтэннилэр. Холобур, национальнай көрдөрөр-иһитиннэрэр хампаанньа «Сэһэн сирэ» диэн биэриитин ыытааччыта, поэт, суруналыыс Наталья Михалева — Сайа, саамай үрдүк наҕарааданы ылла — «Норуот билиниитэ» диэн номинация хаһаайката буолла.