Дьокуускайга култуура волонтердарын форума саҕаланна

Дьокуускайга култуура эйгэтин волонтердарын өрөспүүбүлүкэтээҕи форума саҕаланна. Мустубут 200-чэкэ киһиэхэ анаан үөрэҕирии былаһааккаларын, араас маастар-кылаастары бэлэмнээтилэр.

Манна волонтердар социальнай, айар-тутар бырайыактары хайдах олоххо киллэрэри билиэхтэрэ, культурнай нэһилиэстибэни хараанныырга туох үлэни ыытарга үөрэниэхтэрэ. Маны тэҥэ бөдөҥ тэрээһиннэргэ кыттар волонтердар бырагыраамаларын тобулары билсиэхтэрэ. Санатан эттэххэ, «Волонтеры культуры» тосхол «култуура» национальнай бырайыак иитинэн оҥоһуллубута.