Дьокуускайга үлэлэри ыытыы кэмигэр гаас сүтүгэ бэлиэтэннэ

Дьокуускай куоракка гаас утаҕын тардыы былааннаммыт үлэлэрин кэмигэр 29-с кыбаарталга гаас сүтүгэ бэлитэннэ. Бу туһунан СӨ баһылыгын уонна бырабыыталыстыбатын дьаһалтатын пресс-сулууспата иһитиннэрэр.

Былааннаммыт үлэлэр ититиини биэриигэ бэлэмнэнии былаанынан ыытыллаллар. Киин куорат Леваневского уулуссатыгар гаас утаҕын холбооһун кэмигэр гаас сүтүгэ бэлиэтэннэ.

«Саахал тахсыытынан сибээстээн, ыйыллыбыт уулуссаларга баар элбэх кыбартыыралаах дьиэлэргэ гааһы биэрии быстах кэмҥэ тохтотулунна: Федор Попов аатыннан уулусса, Сэбиэскэй Армия 50 сыла уул., Бестужев-Марлинскай уул., Богатырев уул., Богдан Чижик уул., Губин уул., Дзержинскай уул., Кальвица уул., Энергетиктар переулоктара, Севернай уул», — диэн «Сахатранснефтегаз» АУо гаас ситимнэрин управлениета тириэрдэр.

Билиҥҥи туругунан гаас сүтүгэ туоратылынна, саҥаттан холбооһун үлэлэрэ ыытыллаллар.