Дьокуускайга маҥнайгы кылааска киириигэ 2,1 тыһыынчаттан тахса сайабылыанньа киирдэ

Дьокуускай куорат 20 оскуолатыгар маҥнайгы кылааска киириигэ сурутуу бастакы күнүгэр 2175 сайабылынньа киирдэ. Куорат дьаһалтатын үөрэҕириигэ управлениета иһитиннэрэринэн, олортон 2082 киһи уочараттара кэлбит дьон.

«Бииргэ төрөөбүт оҕолор биир оскуолаҕа үөрэниэхтээхтэрин туһунан 2020 сылга киирбит саҥа уларыйыы, маҥнайгы кылааска киириигэ сурутууга тустаах көрдөрүүтүн киллэрдэ», — диэн этиллэр.

Киирбит сайабылыанньа ахсаанынан көрдөххө 1-кы, 17-с уонна 31-с №-дээх оскуолалар, куорат классическай гимназията, саха политехническай лицей, саха корейскай гимназия уонна саха национальнай гимназията толору буолаллара сабаҕаланар.

«Бастакы күн түмүгүнэн, 339 сайабылыанньа регистрацията уонна федеральнай сокуонунан чэпчэтиитэ суох дьонтон киирбитинэн сибээстээн ылыллыбата. Ону тэҥэ суруттарар оҕолор бу оскуолаларга бииргэ төрөөбүт эдьийдэрэ уонна убайдара үөрэммэттэр», — диэн бэлиэтэнэр.

Маҥнайгы кылааска киириигэ сурутуу иккис түһүмэҕэ олунньу 1 күнүгэр саҕаланыаҕа.

2020 сылга Дьокуускай куорат оскуолаларыгар 5,5 тыһыынча оҕо маҥнайгы кылааска киирэрэ күүтүллэр.