Дьокуускайга маршрутнай оптуобуска умайыы таҕыста

Бүгүн, тохсунньу 11 күнүгэр, киин куорат Ленин аатынан уулуссатыгар, 19-с №-дээх оптуобус иһигэр умайыы таҕыста.

«Ленин аатынан проспекка оптуобус умайан эрэрин туһунан иһитиннэрии 17:29 чааска киирдэ. Быһылаан тахсыбыт сиригэр РФ ыксаллаах быһыыга-майгыга министиэристибэтин Саха сиринээҕи салаатын үлэһиттэрэ тиийэллэригэр суоппар огнетушитель көмөтүнэн бэйэтэ умайыыны тохтоппут», — диэн министиэристибэ пресс-сулууспата иһитиннэрэр.

Тыына быстыбыт уонна эмсэҕэлээбит суох.

Санатан эттэххэ, социальнай ситимҥэ быһылааны устубут матырыйааллара тарҕаммыта. Онно оптуобус иһигэр киһи хаайтарбытын туһунан этиллибитэ.