Дьокуускайга мас тардыһыытыгар Саха сирин чөмпүйэнээтэ ыытыллыаҕа

Ахсынньы 6-7 күннэригэр Дьокуускайга «Модун» спорт комплексыгар Ф.М. Дегтярев кэриэһигэр мас тардыһыытыгар өрөспүүбүлүкэ чөмпүйэнээтэ ыытыллыаҕа диэн «Якутия 24» телеханаал «Спорт Якутии» порталга тирэҕирэн иһитиннэрэр.

Эр дьон, дьахталлар уонна бэтэрээннэр барыта түөрт ыйааһыҥҥа илин-кэлин түсүһүөхтэрэ. Күрэхтэһии мас тардыһыытын норуоттар икки ардыларынааҕы федерациятын бигэргэппит быраабылаларынан ыытыллыаҕа, сүрүн судьуйа — Дмитрий Шадрин.

Бириис уопсай пуондата — 200 тыһ. солк. кэриҥэ, чөмпүйүөннэр уонна бириистээх миэстэҕэ тиксибиттэр өйдөбүнньүк мэтээллэринэн, грамоталарынан уонна сыаналаах бириистэринэн наҕараадаланыахтара.

Күрэхтэһии бырагыраамата:

Ахсынньы 6 күнэ

14.00 — 15.00 – мандаат хамыыһыйатын үлэтэ;

15.00 – 16.30 — ыйааһын;

16.30 – 17.00 – судьуйалар уонна хамаандалар бэрэстэбиитэллэрин кэллиэгийэтэ;

17.00 – федерация кэмпириэнсийэтэ;

Ахсынньы 7 күнэ

10.00 – 10.30 – күрэхтэһии үөрүүлээх арыллыыта;

10.30 – 10.50 – сэрэбиэй;

11.00 – 13.00 – күрэхтэһии;

13.00 – 14.00 – эбиэккэ тохтобул;

14.00 – 18.30 – финал аҥаардааҕы уонна финал киирсиилэрэ, наҕараадалааһын, күрэхтэһии сабыллыыта.