Дьокуускайга оҕо суол саахалыгар эчэйиитин сэрэтэр киин арыллыаҕа

Балаҕан ыйын 18 күнүгэр Дьокуускайдааҕы оҕо айымньытын дыбарыаһыгар өрөспүүбүлүкэтээҕи оҕо суол уонна тырааныспар саахалыгар эчэйиитин сэрэтэр киин арыллыаҕа. Бу туһунан тэрилтэ пресс-сулууспата иһитиннэрэр.

«Куттал суох буолуутун лабораторията» көһө сылдьар былаһаакканы уонна оборудованиелары биэрии ыытыллыаҕа. Стационарнай быһыылаах үлэ үөрэх тэрилтэлэригэр ыытыллыахтара, көһө сылдьар дьарыктар — анал оборудованиелаах оптуобус базатыгар ыытыллыахтара», — диэн этиллэр.

Анал оптуобус улуустарынан сылдьан оҕолорго суолга сэрэхтээх буолуу уруоктарын ыытыаҕа. Тустаах оборудование суолга тахсыан сөптөөх быһыыны-майгыны көрдөрөр кыах биэрэр уонна олоххо чугас усулуобуйаҕа суолга тутта сылдьыыга үөрэтэргэ көмөлөһөр.

Оҕо айымньытын дыбарыаһыгар оҕолорго, төрөппүттэргэ уонна учууталларга дьарыктары ыытар уһуйааччылар бэлэмнээтилэр.

Киин бүтүн Россиятааҕы оҕолор уонна ыччаттар кыттыылаах суол саахалларын намтатыы бырагырааматын иитинэн тэрилиннэ. 2017-2019 сылларга бырагыраама дойду 39 регионун хапта.