Дьокуускайга оҕо суолга эчэйиитин сэрэтэр киин арылынна

Ф.И. Авдеева аатынан оҕо дыбарыаһыгар оҕолору суолга сэрэхтээх буоларга үөрэтэр киини арыйдылар.

Бырабыыталыстыба бэрэссэдээтэлин солбуйааччы э.т. Сергей Местников саҥа киин арыллыбытынан эҕэрдэлээтэ. «Маннык үчүгэй, толору хааччыллыылаах киин куорат уонна оройуон оҕолоро суолга суоппар уонна сатыы киһи быһыытынан сэрэхтээх буола үөрэнэллэригэр төһүү күүс буолуоҕа диэн эрэнэбин», — диэтэ Сергей Местников.

Москватааҕы «Движение без опасности» экспертнэй киин салайааччыта Алексей Кушнеров «Лаборатории безопасности» мобильнай киин бырайыагын туһунан кэпсээтэ, оҕолорго маастар-кылаас көрдөрдө.

Маннык бырайыак дойду үрдүнэн 39 сиргэ баар.