Дьокуускайга Россия кикбоксиҥҥа чемпионата уонна бастыыр иһин күрэҕэ ыытыллыаҕа

Муус устар 6-10 күннэригэр Дьокуускайга «Триумф» спортивнай комплекска К-1 категорияҕа Россия кикбоксиҥҥа чемпионата уонна бастыыр иһин күрэҕэ ыытыллыаҕа.

Дойду сүүмэрдэммит хамаандатын састаабыгар сүүмэрдиир күрэхтэһиигэ 41 хамаанда кыттыыны ылыаҕа.

Күрэхтэһии Россия кикбоксиҥҥа федерациятын 30 сылыгар уонна саха бөҕөһө Александр Иванов аан дойду чемпионатыгар ССРС бастакы чемпиона буолуутугар ананар.