Дьокуускайга саахал түмүгэр массыына түҥнэһиннэ

Бэҕэһээ, олунньу 6 күнүгэр Дьокуускай куоракка, Чернышевскай уонна Аржаков уулуссаларын быһа охсуһуутугар икки массыына харсыһыыта таҕыста. Бу туһунан СӨ Суолга куттал суох буолуутун судаарыстыбаннай инспекциятын пресс-сулууспата иһитиннэрэр.

Суол саахала тахсыбытын туһунан иһитиннэрии дьуһуурунай чааска олохтоох бириэмэ 15.41 чааска киирбитэ.

«1985 сыллаах төрүөх «Тойота Королла Филдер» массыына суоппара, хаҥас диэки салайыытыгар утары айаннаан иһэр «Ниссан Кашкай» массыынаҕа суолу биэрбэтэх»,-диэн иһитиннэриигэ этиллэр.

Саахал түмүгэр биир да киһи эмсэҕэлээбэтэҕэ бэлиэтэнэр.