Дьокуускайга «Саха сирин эрэллэрэ» оҕунан ытыыга турнир саҕаланна

Дьокуускай куоракка «Саха сирин эрэллэрэ» оҕунан ытыыга турнир саҕаланна. Үс күн устата өрөспүүбүлүкэ 10 улууһуттан уонна киин куораттан 211 кыттааччы күөн көрсүө.

2002 -2008 сылларга төрүөх оҕолор үс категорияҕа арахсан саастарынан киирсэллэр. Классическай уонна блок оҕунан, 12 уонна 18 миэтэрэ уһуҥҥа ытыыга биирдиилээн уонна хамаанданан күрэхтэһэллэр.

Сүүмэрдиир күрэхтэһии түмүк түһүмэҕэ сэтинньи 7 күнүгэр ааһыа. Кыайыылаахтар сэтинньи 20-25 күннэригэр Великие луки куоракка ыытыллар «Россия эрэллэрэ» бүтүн Россиятааҕы турнирга өрөспүүбүлүкэ чиэһин көмүскүүр кыахтаныахтара.