Дьокуускайга «Стерх» балет бэстибээлэ Х төгүлүн ыытыллар

Дьокуускай куоракка «Стерх» балет бэстибээлэ Х төгүлүн тэрилиннэ. Үбүлүөйдээх бэстибээли  Юрий Григорович туруорбут аатырбыт «Кубалаах Күөл» балетынан арыйдылар.

Сүрүн партияны Санкт-Петербург Михайловскай тыйаатырын сүрүн артыыстара Екатерина Титова уонна Никита Четвериков толордулар.

Бэстибээл чэрчитинэн «Дон Кихот», «Корсар» уонна «Спартак» диэн аатырбыт улахан туруоруулары киин куорат олохтоохторун уонна ыалдьыттарын киэҥ дьүүлүгэр таһаарыахтара.

Тэрээһиҥҥэ Россияттан эрэ буолбакка, Кытайтан, Казахстантан, Эстонияттан уонна ордук улахан бөлөх Соҕуруу Кореяттан кэллэ.

Маны таһынан, Москваттан бэстибээлгэ анаан балет критига Александр Максов уонна «Абсолютный слух» диэн «Култуура» ханаалга анал биэриилээх, балет эйгэтигэр киэҥник биллэр «Улахан тыйаатыр» артыыһа Геннадий Янин күндү ыалдьыт быһыытынан кэллилэр.