Дьокуускайга суол саахалыгар итирик киһини түҥнэри көттүлэр

Дьокуускайга тохсунньу 27 күнүгэр Губина уулуссатыгар эр киһини масыына түҥнэри көттө. Бу туһунан СӨ Суолга куттал суох буолуутун судаарыстыбаннай инспекциятын пресс-сулууспата иһитиннэрэр.

«ГАЗ-3034» массыына суоппара суолу көҥүлэ суох сиринэн туораан испит киһини түҥнэри көттө.

Саахал түмүгэр эр киһи араас дьүккүрүйүүнү ылан балыыһаҕа тириэрдиллибит.

Суоппар аргы испэтэҕин медицинскэй туоһулааһын быһаарда. Эмсэҕэлээбит киһиэхэ алкотестер көрдөрүүтүнэн 0.80 мг/л арыгы баара туоһуланна.

Саахал түмүгүнэн бэрэбиэркэ ыытыллар.