Дьокуускайга сыл түмүктэниэр диэри икки оҕо уһуйаана үлэҕэ киириэ

СӨ үөрэҕирии уонна наука миниистирэ Владимир Егоров уонна СӨ тутуу миниистирэ Павел Аргунов икки оҕо уһуйаанын тутуу үлэтин бэрэбиэркэлээтилэр, эбийиэктэр бу дьыл ахсынньытыгар үлэҕэ киириэхтээхтэр. Бу туһанан СӨ үөрэҕирии уонна наука миниистиэристибэтин пресс-сулууспата иһитиннэрэр.

Ахсынньы ортотугар Дьокуускай куорат 203-с кыбаарталыгар 83 миэстэлээх дьааһыла-саат үлэҕэ киириэхтээх. Эбийиэк уопсай иэнэ 1142,75 кв миэтэрэҕэ тэҥнэһэр. Бэдэрээччитинэн «РДР Групп» тэрилтэ буолар.

Ону тэҥэ Дьокуускай Халтурина уулуссатын 22/2 нүөмэрдээх дьиэтигэр, 30 миэстэлээх дьааһыла-саат тутуута түмүктэнэн эрэр.

«336,14 кв миэтэрэ иэннээх эбийиэк тутуута, бу дьыл балаҕан ыйыгар саҕаламмыт. Бэдэрээччит «Эрдэм» ХЭУо тутуу үлэтин ахсынньы 1 күнүгэр түмүктүүрүн туһунан иһитиннэрдэ», — диэн этиллэр.