Дьокуускайга түүр норуоттар төрүт оонньууларынан бэстибээл ыытыллыаҕа

«Тоҕус түүр оонньуута» диэн ааттаах түүр омуктар былыргы оонньууларын төрүт бэстибээлэ ахсынньы 10-12 күннэригэр Дьокуускайга баар «Модун» спорт киинигэр ыытыллыаҕа диэн «Якутия 24» телеханаал СӨ Спорка министиэристибэтигэр тирэҕирэн иһитиннэрэр.

Бэстибээлгэ 11 сааһын туолбут дьон кыттыахтара.

Тэрээһин бастакы күнүгэр маастар-кылаастары уонна Казахстан, Киргизия, Алтай дэлэгээссийэлэрин бастыҥ нүөмэрдэрин көрүөххүтүн сөп.

Бэстибээл атын күннэригэр түөрт норуот оонньууларынан — «бес асык», «асык ату», «былыргылыы хабылык», «хаамыска», «кириэс тэбии», «ойбонтон уулааһын», «тутум эргиир», «кырынаастыыр», «тогыз кумалак», «алтай шатра» күрэхтэһиилэр ыытыллыахтара.

Бэстибээл «Дети белого солнца» бырайыак Үүнэр көлүөнэлэр пуондатыттан 500 тыһ. солкуобайдаах грант ылбытынан буолуоҕа.