Дьокуускайга Уһук Илиҥҥи федеральнай уокурук Сэбиэтин мунньаҕа ааста

Дойду вице-премьерэ, Россия бэрэсидьиэнин Уһук Илиҥҥи федеральнай уокуругар боломуочуйалаах бэрэстэбиитэлэ Юрий Трутнев бүгүн Дьокуускайга регион губернатордара кыттыылаах мунньаҕы салайан ыытта. Бу туһунан СӨ баһылыгын уонна бырабыыталыстыбатын пресс-сулууспата иһитиннэрэр.

Мунньахха Уһук Илини уонна Арктиканы сайыннарыы миниистирэ Александр Козлов, федеральнай уорганнар салааларын бэрэстэбиитэллэрэ, ону тэҥэ уокурук 11 регионун баһылыктара уонна губернатордара кыттыыны ыллылар.

Сүрүн болҕомто Уһук Илиҥҥэ инвестицияны тардыыга туһуланна. Күн бүгүн региоҥҥа уопсайа 4 трлн солкуобай кэриҥэ суумалаах икки тыһыынчаттан тахса араас инвестиционнай барыл олоххо киирэр. Билиҥҥитэ улахан бырайыактартан 200-тэн тахсата номнуо туолла. Маныаха тас инвестордары өйөөһүн түмүгэр региоҥҥа үс мөлүйүөн доллардаах үп киирдэ.

Салгыы мунньахха экономическай үүнүү кииннэригэр социальнай инфраструктураны тэрийиигэ, чэпчэтиилээх ипотека бырагырааматын олоххо киллэрии туһунан кэпсэттилэр.

Маны таһынан экстремизм уонна тероризм туһунан санаалар ыычат эйгэтигэр өтөн киириилэрин тохтотуу уонна социальнай эбийиэктэргэ куттал суох буолуутун боппуруостарын ырыттылар.