Дьокуускайга «Без срока давности» уһулуччу быыстапка аһылынна

Өрөспүүбүлүкэ киин куоратыгар «Россия — мин историям» Историческай пааркаҕа «Без срока давности» мультимедийнай уһулуччу быыстапка аһылынна. Бу туһунан тэрилтэ пресс-сулууспата иһитиннэрэр.

Быыстапкаҕа Аҕа дойду Улуу сэриитин кэмигэр СССР оккупацияламмыт сиригэр эйэлээх нэһилиэнньэни утары нацистар уонна кинилэр куомуннаахтара оҥорбут сокуону кэһиилэрин туһунан архыып докумуоннара турдулар.

Үгүс докумуон бастакытын таҕыста. Быыстапка 2021 сыл олунньу 28 күнүгэр диэри үлэлиэҕэ, киирии — босхо. Кулун тутартан көһө сылдьан Саха сирин улуустарынан туруоҕа.

«Аһыллыы күнэ бэлиэ күн чэрчитинэн талылынна — 1946 сыл олунньу 8 күнүгэр, СССР аатыттан сүрүн буруйдааччы, Роман Андреевич Руденко, Нюрнберг трибуналыттан тыл эппитэ. Онно нацист-сокуону кэһээччилэр кыыллыы быһыыларын аһаҕастык норуокка тиэрдибитэ», — диэтэ СӨ култуура уонна духуобунай сайдыы миниистирин солбуйааччы Владислав Левочкин.

Бырайыак чэрчитинэн, 7000 кэриҥэ нацистар сокуону кэһиилэрин туоһулуур докумуоннары буллулар, сааһылаатылар.