Дьокуускайга UFC бөҕөһө Григорий Попову кытта көрүстүлэр

Сахаттан бастакы UFC бөҕөһө, тайскай боксаҕа аан дойду чемпиона Григорий Попов Дьокуускай олохтоохторун кытта көрүстэ. Дьокуускайга «Кумиры кытта көрсүһүү» диэн бырайыак үлэтин саҕалаата. Чемпион ыалдьааччылара, смешаннай единоборствоны сэҥээрээччилэр интэриэһиргиир ыйытыктарын биэрдилэр. Григорий бүтэһик киирсиилэригэр кыайыыларын уонна хотторууларын сиһилии кэпсээтэ.  Муннун тоһутан аны сааска диэри күрэхтэһиилэргэ кыттарга былааннаммат. Ол оннугар ыччаты дьарыктыыр баҕалааҕын эттэ.

Ыалдьыттар   хаартыска уонна автограф-сессия оҥордулар. Ону тэҥэ көрсүһүүгэ саха эстрадатын сулустара кыттыылаах кэнсиэр ыытылынна. Киирбит үп сороҕо аһымал дьыалаҕа барыаҕа. Бырайыак иитинэн маннык көрүсһүүлэр Норуоттр доҕордоһууларын дьиэтигэр ый ахсын ыытыллыахтара.