Дьокуускайга «Яндекс. Лицей» бырайыак үлэтин саҕалаата

Саха сиригэр аан бастакытын «Яндекс.Лицей» бырайыак Дьокуускайдааҕы сибээс уонна энергетика коллеһын иһинэн үлэтин саҕалаата. «Саҥа былаһааккаҕа оҕолорбут программирование үөрүйэҕэр үөрэниэхтэрэ», — диэтэ үөрэх миниистирэ Михаил Сивцев.

Сыыппараҕа көһүү билиҥҥи кэмҥэ саҥа экономика саамай сүрүнэ буолар диэтэ. Лицей бырагыраамата икки сыллаах, ол курдук 8-9 кылаас оҕолоро бырагыраама, бырайыак суруйан, теорияны үөрэтиэхтэрэ. Үөрэх кэннэ хас биирдиилэригэр «Яндекс.Лицей» сертификатын биэриэхтэрэ уонна Junior-программист аатын ылыахтара. Колледж дириэктэрэ Гаврил Семенов этэринэн, 300 баҕалаах оҕоттон 15 киһини талбыттар.
Лицей «Кадры для цифровой экономики» диэн «Цифровая экономика» уонна «Үөрэх» национальнай бырайыактар чэрчилэринэн оҥоһуллубут.