Дьокуускайгы Россия хотугу многоборьеҕа чөмпүйэнээтэ ыытыллыаҕа

Кулун тутар 16-23 күннэригэр Дьокуускайга Россия хотугу многоборьеҕа чөмпүйэнээтэ ыытыллыаҕа. Бу туһунан «Спорт Якутии» иһитиннэрэр.

Тэрээһиҥҥэ Россия 10 регионуттан 177 спортсмен кыттыыны ылыаҕа. Өрөспүүбүлүкэ сүүмэрдэммит хамаандатыгар 25 спортсмен киирдэ.

Күрэхтэһиилэр « Модун» спортивнай комплекска, «Улуу Кыайыы 50 сыла» спорт дыбарыаһыгар, «Поляна» сынньалан сиригэр уонна Күөх хонууга ыытыллыахтара.