Дьокуускайтан Кэбээйигэ диэри суолу арыйдылар

Дьокуускайтан Кэбээйигэ тиийэр сылы быһа үлэлиир суолу бүгүн, алтынньы 23 күнүгэр арыйдылар. Суолу «Куттала суох уонна хаачыстыбалаах суоллар» национальнай бырайыак чэрчитинэн оҥоһулунна.

«Бүгүн Саха сиригэр историческай түгэн буолла. «Кэбээйи» суол арылынна. Билигин Дьокуускайтан Кэбээйигэ диэри 4-5 эрэ чаас айанныыгын», – диэбит Ил Дархан бэйэтин инстаграмыгар.

«Кэбээйи» суол «Бүлүү» федеральнай суолга быһалыы тахсыаҕа. Трасса 38 килэмиэтирдээх икки учаастагар өрөмүөн үлэтэ барда. Ону таһынан Түгэнэ үрэҕи туоратан муоста туппуттар. Муоста Кэбээйи уонна Горнай улуустарын ситимнээбит.

Инникитин чугас сытар Арҕас, Тыайа, Чагда, Мукучу нэһилиэктэригэр диэри суоллары тутуохтара.