Доруобуйа сылын чэрчитинэн 80-ча тэрээһин ыытыллара былааннанар

Өрөспүүбүлүкэҕэ доруобуйа сыла биллэриллибитинэн, 2021 сылга доруобуйа харыстабылын министиэристибэтин иһинэн 80-ча тэрээһин ыытыллара былааннанар.

Бу туһунан СӨ доруобуйа харыстабылын миниистирэ Елена Борисова социальнай ситимҥэ быһа эпиир кэмигэр иһитиннэрдэ.

«Үгэскэ кубулуйбут дьаарбаҥкалар уонна аахсыйалар ыытыллыахтара, маны таһынан, доруобуйа харыстабылын үлэтин концепциятын оҥорууга аналлаах улахан съезд тэриллэрэ былааннанар», — диэн миниистир иһитиннэрдэ.

Елена Борисова бэлиэтииринэн, бу тэрээһиннэр Саха сирин олохтоохторо доруобуйа боппуруоһугар болҕомто ууралларыгар интэриэс үөскэтиэхтээх.